လူ့အခွင့်အရေးနှင့် ကျန်းမာရေးပြဿနာများ

မြန်မာရွှေ့ပြောင်းအလုပ်သမားများ၏ တွေ့ကြုံနေရသော လူ့အခွင့်အရေးနှင့် ကျန်းမာရေးပြဿနာများ

စက်တင်ဘာ ၁၁ရက် ၂၀၀၇။

လူ့အခွင့်အရေးပြဿနာနှင့် ကျန်းမာရေး ပြဿနာ တို့မှာခွဲမရအောင်အစဉ်ထာဝရ ဒွန်တွဲနေကြ၍ တခု ပေါ်တခုပြင်းထန်သောသက်ရောက်မှုရှိနေပါသည်။

လွန်စွာ ထိရောက် ကောင်းမွန်သော ကျန်းမာရေး စောင့်ရှောက်မှုစနစ် ရှိသည့်တိုင် အချို့ပြည်သူတို့ ကို ထိရောက်မှုမရှိနိုင်အောင် ဟန့်တားနှောက်ယှက်နေပါက ပြည်သူတရပ်လုံးကို ရောဂါမှ ကာကွယ် ရေး လုပ်ငန်းများ၊ ကုသရေး လုပ်ငန်းများကို ထိရောက်အောင် လုပ်ဆောင်နိုင်မည်မဟုတ်ပါ။

မိသားစုဝင်တဦးဦးနှင့် သေကွဲကွဲရခြင်း၊ ဇာတိရပ်ရွာ၊ ရိုးရာအသိုင်းအ၀ိုင်းမှ ဝေးကွာနေရခြင်း၊ ရရှိပြီး သား အထောက်အပံ့များ ရုပ်သိမ်းခံရခြင်း စသည့် လတ်တလော ပြဿနာများသည် ခံစားနေရသော ရောဂါဝေဒနာအား ခုခံနိုင်စွမ်းကို လျော့နည်း စေပါသည်။ မိမိတို့ နေထိုင်ရာ အရပ်ဒေသတွင် တရားဝင် မှတ်ပုံတင်ခွင့် မရခြင်းသည် ရွေ့ပြောင်း လုပ်သား အများစုကို အပယ်ခံဘ၀သို့ တွန်းပို့ပေး နေသကဲ့သို့ ခံစားရစေ၍ စိတ်ဓာတ်ကျဆင်းမှု ကဲ့သို့သော အနှုတ်လက္ခဏာ ဆောင်သော စိတ်ခံစားမှုကို ပေးစွမ်း နိုင်ပါသည်။

ကျန်းမာရေး စောင့်ရှောက်သူများနှင့် ဆက်သွယ်ရန် ခက်ခဲခြင်းသည် ထိရောက်သော စောင့်ရှောက်မှု ကို အပြီးအပိုင် မဖယ်ရှားပစ်နိုင်သည့်တိုင် ထိရောက်မှုကို အားနည်းစေနိုင်ပါသည်။ ကပ်ရောဂါနှင့် ပတ် သက်၍ အနှစ် (၂၀)ကြာ လေ့လာတွေ့ရှိချက်အရ ရောဂါဖြစ်ပွားမှုသည် ပြည်သူလူထုအတွင်း ၀င်ငွေ ကွာဟမှုနှင့်သော်လည်းကောင်း၊ လူမှုအဆင့်အတန်း ကွာဟမှုနှင့်သော်လည်းကောင်း တိုက်ရိုက် ဆက် စပ်နေပြီး၊ ဝေဒနာ ၀န်ထုပ်ကို ပိုမိုလေးလံစေပါသည်။ လူ့သက်တမ်းစေ့အောင် မနေရခြင်း၊ ကလေးသူ ငယ် သေဆုံးမှုနှုန်း မြင့်တက်လာခြင်း၊ ရေကောင်းရေသန့် မရရှိခြင်း၊ ခြင်၊ ယင်၊ ပိုးမွှား၊ အပူဒဏ်နှင့် လေထုညစ်ညမ်းမှု တိုးပွါးလာခြင်း တို့သည်လည်း မိဘများအနေဖြင့် မိမိသားသမီးများကို ကျန်းမာရေး စောင့်ရှောက်မှုပေးရာတွင် ပိုမိုခက်ခဲစေပါသည်။ အထူးသဖြင့် အမျိုးသမီးများအပါအ၀င် မိဘများစာပေ ဗဟုသုတခေါင်းပါးခြင်း၊ သက်ကြီးစာပေ သင်ယူမှုမရှိခြင်း တို့ကလည်း ကလေးသူငယ်များကို ကျန်းမာ ရေး စောင့်ရှောက်ရေးအတွက် ပိုမိုခက်ခဲစေပါသည်။ ထောင်သောင်းများစွာသော ထိုင်းနိုင်ငံရောက် မြန် မာနိုင်ငံမှ ရွှေ့ပြောင်းအလုပ်သမားများသည် အထက်ဖော်ပြပါ အခက်အခဲများကို တစုတစည်းတည်း ရင်ဆိုင် ကြုံတွေ့နေကြရပါသည်။

ကျွန်ုပ်တို့ဇနီးမောင်နှံသည် မကြာသေးမီကပင် ရက်သတ္တပတ် (၆)ပတ်ကြာမျှ GHRE အဖွဲ့အတွက် လုပ် အားပေးခဲ့ပါသည်။ ၎င်းမှာ မြန်မာလူမျိုးများ ကိုယ်တိုင် ထူထောင်ထားသော လူမှုရေး စောင့်ရှောက်မှု အဖွဲ့ကြီးဖြစ်၍ ဖန်ငဒေသရှိ တရားဝင် အလုပ်လုပ်ခွင့် လက်မှတ် မရှိသူများ အများစု ပါဝင်သော ခိုလှုံ သူများကို လူမှုရေးအရ ကူညီစောင့်ရှောက်နေသော အဖွဲ့လည်းဖြစ်ပါသည်။

အဖွဲ့အစည်းကို အတွေ့အကြုံရှိ ခေါင်းဆောင် တဦးဖြစ်သူ ဦးထူးချစ်မှ ဦးဆောင်၍ အလုပ်သမားများ၏ လိုအပ်ချက် အထွေထွေကို ဖြည့်စွမ်းနိုင်မည့် စီမံကိန်း အမျိုးမျိုးကို အကောင်အထည်ဖော် ဆောင်ရွက် လျက်ရှိပါသည်။ ၎င်းတို့မှာ ရွှေ့ပြောင်းအလုပ်သမားများ ဖွံ့ဖြိုးတိုးတက်ရေး၊ ရွှေ့ပြောင်းကလေးသူငယ် များ ပညာရေး၊ လူထုကျန်းမာရေး ပညာပေးရေးနှင့် စောင့်ရှောက်မှုပေးရေး၊ Mobile စာသင်ကျောင်း များဖွင့်လှစ်ခြင်း၊ အမျိုးသမီးစွမ်းအားမြှင့်တင်ရေး၊လူ့အခွင့်အရေးပညာပေးနှင့် ဥပဒေရေးရာအထောက် အကူပြု လုပ်ငန်းများ ဖြစ်ကြပါသည်။

ကျွန်ုပ်တို့သည် အမေရိကန်ပြည်ထောင်စု နယူးမက္တဆီကို တက္ကသိုလ်ကြီး၏ သူနာပြုသိပ္ပံဌာနနှင့် REE ဆေးတက္ကသိုလ်၏ လူထုကျန်းမာရေးနှင့် သူနာပြုသိပ္ပံဌာန ကလေးရောဂါ အထူးကုဘာသာရပ်ဆိုင်ရာ အငြိမ်းစားပါမောက္ခများ ဖြစ်ကြပါသည်။ ကျွန်ုပ်တို့သည် GHRE ၏ အလွန်ဂုဏ်ယူထိုက်သော ကျန်းမာ ရေးဝန်ထမ်း တဦးအား ကူညီလုပ်ဆောင်ပေး ခဲ့ရပါသည်။ အဆိုပါ ၀န်ထမ်းမှာ ကလေးသူငယ်များနှင့် ၎င်းတို့ မိသားစုတို့၏ ကျန်းမာရေး စောင့်ရှောက်မှုလုပ်ငန်းများကို အင်အားမြှင့်တိုးချဲ့ ဆောင်ရွက်နေပါ သည်။ ကျွန်ုပ်တို့သည် ဝေးလံလှသော ကြက်မွေးမြူရေးခြံများ၊ တံငါရွာများနှင့် ရာဘာခြံ၊ ပန်းရံလုပ် ငန်းခွင်များတွင် ဖွင့်လှစ်ထားသော အဖွဲ့အစည်းပိုင် စာသင်ကျောင်းများ၊ နေ့ကလေးထိန်းကျောင်းများ သို့ သွားရောက် လေ့လာခွင့် ရခဲ့ပါသည်။

စာသင်ကျောင်းများရှိ ကလေးသူငယ်များ ကျန်းမာရေး စစ်ဆေးရာတွင်လည်း ကျွန်ုပ်တို့ ပါဝင်ကူညီ ပံ့ ပိုးခဲ့ပါသည်။ ကျန်းမာရေး ပြဿနာနှင့် လူ့အခွင့်အရေး ပြဿနာများ ဆက်နွယ်နေမှုကို ကျွန်ုပ်တို့ အ ချိန်အတန်ကြာ လေ့လာနေခဲ့ပြီးဖြစ်ရာ ယခု ရွှေ့ပြောင်း မြန်မာအလုပ်သမား များ၏ အခြေအနေသည် ကျွန်ုပ်တို့၏ တွေ့ရှိချက်များကို ပိုမိုခိုင်မာစေပါသည်။ ထိုတွေ့ရှိချက်အရ ယင်းပြဿနာနှစ်ခုမှာ တိုက် ရိုက် ဆက်နွယ်နေပြီး လေးနက်သော အဓိပ္ပါယ်များစွာ ရှိပါသည်။

ကျွန်ုပ်တို့ ကိုယ်တွေ့ကြုံခဲ့သည့် သာဓက အချို့ကို ကြည့်ပါက မြန်မာရွှေ့ပြောင်း အလုပ်သမားများ၏ ကံကြမ္မာသည် မည်မျှ အရေးတကြီး ကူညီဖြေရှင်း လုပ်ဆောင်ပေးရန် လိုအပ်နေကြောင်း သိသာ စေ နိုင်မည်ဟု မျှော်လင့် ပါသည်။

သာဓကတစ်ခုမှာ- GHRE ၏ အရေးပေါ်ဂေဟာ တခု၌ (၄၅)နှစ်အရွယ် အမျိုးသား တဦးသည် ၀မ်းဗိုက် တွင်းဝေဒနာကို အပြင်းအထန် နာကျင် ခံစားနေရပြီး၊ အဖျား (ကိုယ်အပူချိန်) တက်လျက်ရှိပါသည်။ အ ရေးပေါ်ဂေဟာ ဆိုသည်မှာ ထိုဒေသရှိ လတ်တလော အလုပ်အကိုင် မရှိသေးသူများ မိသားစုအခက်အ ခဲ အမျိုးမျိုးကြောင့် ဒုက္ခကြုံတွေ့နေ ရသူများကို ခေတ္တခိုလှုံခွင့် ပေးထားပြီး စားဝတ်နေရေး ပြဿနာ များကို ကူညီဖြေရှင်းပေးရာ ဌာနတခု ဖြစ်ပါသည်။

လူနာလက္ခဏာကို ကြည့်၍ လူနာသည် ၀မ်းဗိုက်အတွင်းပိုင်းတွင် ပြင်းထန်သော ရောဂါဝေဒနာရှိနေ ကြောင်း သိရှိနိုင်သဖြင့် ၎င်းကို နီးစပ်ရာ ထိုင်းဆေးရုံသို့ ကားဖြင့်ပို့ဆောင်ခဲ့ပါသည်။ အရေးပေါ်လူနာ ဆောင်သို့ ရောက်မဆိုက်ပင် တာဝန်ကျ သူနာပြုဆရာမမှ လူနာကို ချက်ချင်း ပြန်ခေါ်သွားရန်နှင့် နောက်နေ့မှ ပြန်ခေါ်လာပါရန် ဖိအားပေး ပြောဆိုလျက် ရှိပါသည်။ ကျွန်ုပ်တို့ကိုယ်တိုင် ကြားဝင်၍ အနူး အညွတ် တောင်းပန်သဖြင့် လူနာကို လက်ခံစစ်ဆေးကာ အတွင်းလူနာအဖြစ် လက်ခံခဲ့ပါသည်။ သို့ရာ တွင် (၄)ရက် အကြာတွင် လူနာသည် ဆေးရုံ၌ပင် ကွယ်လွန်သွားခဲ့ပါသည်။

မိမိတို့အဖွဲ့အစည်းမှ ၀န်ထမ်းငယ် တဦးမှာလည်း ငှက်ဖျားရောဂါကို အပြင်းအထန် ခံစားနေရသဖြင့် ထိုင်းဆေးရုံသို့ သွားရောက်ခဲ့ပါသည်။ စစ်ဆေးခံရန် ထိုင်စောင့်နေသော ထိုင်း အမျိုးသား လူနာမကုန် မချင်း သူမကို ခေါ်ယူစစ်ဆေးခြင်း မပြုခဲ့ပါ နောက်ဆုံးတွင် သွေးဖောက်စစ်ဆေး၍ ငှက်ဖျားပိုး တွေ့ရှိ ကြောင်း ပြောပြပါသည်။

(၁၄)နှစ်သား ယောက်ျားလေး တစ်ဦးသည်လည်း နှုတ်ခမ်းနှင့် အာခေါင်ကွဲ၍ မွေးဖွားလာသူ တဦးဖြစ် ပါသည်။ ၎င်းအားခွဲစိတ်ကုသရေး ကုန်ကျစရိတ်ကို ထောက်ပံ့ လှူဒါန်းခဲ့သော အမေရိကန်ခရီးသွား တ ဦးသာ ရောက်မလာပါက ထိုသူငယ်မှာ မည်မျှကြာကြာ ထိုအဖြစ်ဆိုးနှင့် ဆက်လက် ရှင်သန် နေရဦး မည် မသိပါ။

ရာဘာခြံအလုပ်သမားတစ်ဦး၏ (၆)နှစ်အရွယ် ကလေးသူငယ်တစ်ဦးမှာ အူကျရောဂါကြောင့် လွန်စွာ နေထိုင်ရ ခက်နေသည်ကို တွေ့ရပါသည်။ တိုးတက် သောနိုင်ငံများတွင် ဖြစ်ပါက ၎င်းရောဂါကို နှစ် ပေါင်းများစွာစော၍ ကုသ ပျောက်ကင်းနှင့်ပြီး ဖြစ်နေပါလိမ့်မည်။

(၅)နှစ်သားယောက်ျားလေးတစ်ဦးမှာလည်း သရက်ရွက်(ဘေလုံး)ရောင်ယမ်း ခြင်းနှင့် သွေးအားနည်း ရောဂါကို အပြင်းအထန်ခံစားနေရပါသည်။ အလွယ်တကူ ကုသ၍ရပါလျက် ယခုချိန်ထိ ရောဂါစစ်ဆေး ချက်အဖြေကို စောင့်ဆိုင်းနေရဆဲဖြစ်ပါသည်။ အရွယ်ရောက်ပြီးသူများမှာ လုပ်ငန်းခွင်တွင် ထိခိုက်ဒဏ် ရာ ရ၍သော် လည်းကောင်း၊ လုပ်ငန်းခွင် မသန့်ရှင်းမလုံခြုံ၍ သော်လည်းကောင်း ရရှိခဲ့သည့် ဝေဒနာ များကို ကုလည်းမကုနိုင်၊ ထိန်းချုပ်ကာကွယ်မှုလည်း မပြုနိုင်ဘဲ ရှိနေပါသည်။

ထိုင်းနိုင်ငံတောင်ပိုင်း(၆)ခရိုင်အတွင်း ရွှေ့ပြောင်း အလုပ်သမားများအပေါ် မတရားကန့်သတ် ချုပ်ခြယ် ထားသည့် မာရှယ်လောဆန်ဆန် ဥပဒေသစ် များကြောင့် နဂိုက ကြိုးစား ညှိနှိုင်း ထိန်းချုပ် ထားရသည့် လူ့အခွင့်အရေး ချိုးဖောက်မှုနှင့် ကျန်းမာ ရေးပြဿနာများ ပိုမိုထင်းရှားလာပါသည်။ ၎င်းတို့၏ အပြန် အလှန် ဆက်နွယ်မှု တန်ပြန် သက်ရောက်မှု များမှာလည်း ပိုမိုအားကောင်း လာပါသည်။

ကျွန်ုပ်တို့ မျက်ဝါးထင်ထင် တွေ့ခဲ့ရသော အထက်ပါ အဖြစ်ဆိုးများကို ထိုင်းနိုင်ငံ တနှံတလျားတွင် ၀င် ရောက်နေထိုင် လုပ်ကိုင်စားသောက် နေကြသော ထောင်သောင်းများစွာသော မြန်မာအလုပ်သမားများ မှာ နေ့တဓူဝ ခံစားနေကြ ရပါသည်။

တချိန်က လျှမ်းလျှမ်းတောက် တိုးတက်ထင်ပေါ်ကျော်ကြားသော မြန်မာနိုင်ငံကြီးကို ယခုလက်ရှိအခြေ အနေထိ စုပ်ပြတ်သွားအောင် စွမ်းဆောင်နိုင်ခဲ့သော မြန်မာ စစ်အုပ်စု၏ ရက်စက်ကြမ်းကြုတ် လူမဆန် သော ဖိနှိပ်ရက်စက်မှုများမှ လွတ်အောင် ပြေးလာရသော သန်းပေါင်းများစွာသော မြန်မာလူမျိုးများ သည် မိမိတို့၏ ဒေသ အိုးအိမ်၊ ဓလေ့ထုံးတမ်း၊ ဘာသာ၊ သာသနာ၊ ယဉ်ကျေးမှု တို့ကို စွန့်လွှတ်၍ တိုင်းတပါးတွင် ခိုလှုံနေကြရပါသည်။ ထိုင်းမြန်မာနယ်စပ်တစ်လျှောက် ခိုလှုံလာသော မြန်မာလူမျိုးများ ၏ သမိုင်းကြောင်းမှာ ရှုပ်ထွေးရှည်လျားလှပါသည်။ ဘာသာ ယုံကြည်ကိုးကွယ်မှု တမျိုးတည်းဖြစ် သည့်တိုင် မတူညီသော နိုင်ငံရေး အယူအဆနှင့် လုပ်ဟန်များကြောင့် ပဋိပက္ခသက်တမ်း ရှည်လျားလှ ပါသည်။

ဘေးကင်းရာ အိမ်နီးနားချင်းနိုင်ငံများသို့ ထွက်ပြေးခိုလှုံ နေကြရသော မြန်မာ ဒုက္ခသည်များအကြား အစွန်းရောက် အမျိုးသားရေးဝါဒ၏ လောင်းရိပ်များ ကပ်ငြိနေဆဲလည်း ဖြစ်ပါသည်။ ၎င်းတို့သည် နိုင်ငံ ရေးအရ ဖိနှိပ်မှု၊ စီးပွားရေးအရ နိမ့်ကျမှုတို့မှ ဝေးရာသို့ ထွက်ပြေးတိမ်းရှောင် လာကြသော မြန်မာတို့ သည် ရောက်ရာ အရပ်တွင်လည်း ရိုးရာအစဉ်အလာ ထိန်းသိမ်းရေး၊ ရှင်သန်နေထိုင်ရေး တို့အတွက် ဆက်လက် လုံးပန်း လှုပ်ရှားရုန်းကန် နေကြရဦးမည် ဖြစ်ပါသည်။

ထိုသို့ လှုပ်ရှားရုန်းကန်နေကြသော အဝေးရောက် မြန်မာများအတွက် အထောက်အပံ့ပေးရန် ကြိုးစား နေသော အဖွဲ့အစည်းများ၏ ပြရုဂ်တစ်ခုမှာ GHRE ပင် ဖြစ်ပါတော့သည်။

မွေးရာပါ အခွင့်အရေး အလုံးစုံရရှိရေး၊ ၎င်းအခွင့် အရေးများ အသိအမှတ်ပြု ခံရရေးနှင့် အပြည့်အ၀ ခံစားရရေးတို့သည် လူသားအားလုံး အတွက် မည်မျှအရေးပါကြောင်းကို “လောကတွင် တရားမ၀င် သော လူပုဂ္ဂိုလ်တစ်ဦးမျှ မရှိပါ။’’ ဟူသော GHRE ၏ ပြင်းပြလှသော ဆောင်ပုဒ် (သို့မဟုတ်) ဆန္ဒ ဖြင့် အနှစ်ချုပ် ဖေါ်ပြ လိုပါတော့သည်။ (No Human is illegal)

Margaret A. Greenberg, R.N., Ph. D Robert E. Greenberg, M.D

(စကားချပ်)

ကျွန်တော်လက်ရှိ တာဝန်ယူ လုပ်ဆောင်နေရသောကျန်းမာရေး ဌာနလေးသို့ လွန်ခဲ့တဲ့ ဂျူလိုင်လနဲ့

သြ ဂုတ်လ တွေမှာ အမေရိကန်နိုင်ငံ မှ ဒေါက်တာနှစ်ဦးလာရောက် အကူအညီပေးခဲ့ပါတယ်။ သူတို့နှစ်ဦးထံမှ

ပညာတစ်ချို့ ကိုလေ့လာစည်းပူး ခွင့်ရခဲ့ပါတယ်။ သူတို့ကိုကျွန်တော်တို့ မြန်မာလုပ်သားတွေ တွေ့ကြုံခံစား

နေရတာတွေကို တွေ့ကြုံခွင့်ရ အောင် ကျွန်တော်ကြိုးစားခဲ့ပါတယ်။ သူတို့ကြုံတွေ့ခံစားခဲ့ရ မှုကိုအထက်ပါ

အတိုင်းရေးသားထားခဲ့ပါတယ်။

တနည်းအားဖြင့် ကျွန်တော်တို့ မြန်မာအလုပ်သမားတွေ အပေါ် Blogger ညီ၊ အစ်ကို၊ မောင်နှမများ ပိုမိုသိရှိစေရန်ရည်ရွယ် ပါတယ်။